Astebetez Arabar Errioxako Lapuebla de Labarkan burutzen den udalekua. Haurrek herriko Assa Ikastolan hartzen dute aterpe eta Euskal Herriko mugako herri eta eskualde honetako baliabide kultural eta naturalez gozatuko dute. Mahastietan, upategietan eta Ebron ere euskaraz bizi gara!

HELBURUAK

• Aisialdian ondo pasatuz, bizitzarako heztea.
• Euskara jolasarekin, ondo pasatzearekin lotuz, erabileran eragitea.
• Aisialdian eredu parte hartzailea bideratuz, aisialdirako heztea.
• Jolasaren bidez aurrez-aurreko komunikazioan eragitea.
• Jolasaren bidez talde harremana indartzea.
• Bakarka zein taldean, ondo pasatuz hainbat adierazpen kultural sortzea.
• Arabar Errioxako inguruak, pertsonak, eta adierazpen kulturalak bizitzea.
• Arabar Errioxako egoera soziolinguistikoa sentituz, Euskal Herriko egoera soziolinguistikoaz kontziente izatea.

JARDUERAK

Bizikidetza eta autonomia lantzeko aukera ematen duen egitasmoa da. Euskal Herriko errealitate eta inguru ezberdinak ezagutzeko aukera eskaintzen du. Astebeteko egonaldian, aisialdiaren eremuan kokatzen diren tailer, jolas, joko, kirol, irteera eta ur ekintzak egingo gira.

*Taula hau gutxi gora beherako eredu bat da, ez da aurtengo behin betiko programazioa.

IZEN EMATEA

Epea martxoatren 2an irekiko da eta maiatzaren 8an itxiko. Eskaera kopurua gehiegizkoa bada, onarpenak ordainketa dataren arabera egingo dira, beti ere ikastola federatuetako ikasleek beste guztiekiko preferentzia izango dutelarik apirilaren 5a arte; data honetatik aurrera izen ematea guztiontzat zabalduko da. Udalekuetara joateko tokirik gabe geldituz gero , ordaindutakoa itzuli egingo zaizue.